BLOG AMBOADES Nº 20

DEL LIBRO "DENUESTOS DEL AGUA Y EL VINO" del siglo XIII (anónimo)

130 - "Dios senor, a ti loa quant conozco meu amado,
      Agora e tod bien quant conozco meo amigo".
      Vna grant piesa ali estando
      de nuestro amor ementando.
      Ela m´dixo: "el mjo senor, ora m´seyra de tornar.
135 - Si a uos non fuese en pesar".
      yol´dix: "yt, la mia senor, pues que yr queredes
      mas de mi amor pensat fe que deuedes".
      Ela m´dixo: "bien seguro seyt, de mj amor,
      no uos camiaria por un emperad(or)".

140 - La mja senor se ua priuado,
      dexa a mj desconortado.
      (q) que la ui fuera del uerto
      por (por) poco non fuy muerto.
      por uerdat quisieram ´adormir
145 - mas una palomela ui.
      tan bla(n)ca era como la nieu del puerto
      uolando uiene por medio del uerto.
      un cascauielo dorado
      tray Al pie atado
150 - |en la fuent quiso entra,
      quando a mj vido estar entros en el malgranar|
      quando en el uaso fue entrada
      e fue todo bien esfrysada,
      Ela que quiso ex(ir) festino,
155 - vertios´ el agua sob(r)el u[i]no.
      Aquis copiensa .
      y el agua a maliar
      El uino faulo primero:
      "mucho m´es uenido mal companero.

160 - agua, as mala mana,
      non querja auer la tu compana,
      que quando te legas a buen bino
      fazeslo feble e mesquino.
      "Don vino, fe que deuedes,
165 - ¿por quales bondades que uos auedes
      A uos queredes alabar
      e a mj queredes auiltar?
      Calat, yo e uos no nos denostaremos 
      que u[est]ras manas bien las sabemos.
170 - bien sabemos que recabdo dades
      en la cabesa do entrades.
      Los buenos uos presian poco,
      que del sabio fazedes loco. [. . .]